Pols*

Naspers se Eerste Interaktiewe Jaarverslag

2007-11-06T11:00:00.000+02:00

Vir die volgende 48 uur kan jy voel asof jy saam met die bestuur van Naspers sit en luister na die jaarverslag. Gaan na die volgende link (dis nogal cool): http://www.corpcam.com/naspersinterimresults2007

Media24 se vroue jok

2007-09-13T14:27:00.000+02:00

WAT HET GEBEUR?
Sewe tydskrifte se lidmaatskap tot die Audit Bureau of Circulations (ABC) is summier beëindig. Dit kom nadat die ABC ontdek het dat daar met sirkulasiesyfers van die tydskrifte Sarie, Lééf, True Love Bride, True Love, Fair Lady, True Love Babe en InStyle SA aan die ABC voorgelê het, geknoei is.

WAT BETEKEN DIT?
Lidmaatskap tot die ABC is geweldig belangrik as dit kom by 'n tydskrif se inkomste. Deur gesertifiseerd te wees deur die ABC beteken dat adverteerders die tydskrif kan vertrou en dat die tydskrif geen wanpraktyke najaag nie. Verder beteken dit dat tydskrifte mekaar se kopieregte sal respekteer. Deur nie meer lid hiervan te wees nie, kan Media24 (die maatskappy wat dié tydskrifte uitgee) geweldig baie geld verloor omdat adverteerders se lojaliteit in die tydskriftitels heel moontlik afgedaal het.

HOEKOM IS DIT BELANGRIK?
Elke jaar moet tydskrifte bekend maak wat hul sirkulasiesyfers is (dit beteken die hoeveelheid tydskrifte wat verkoop is). Hoe meer verkoop word, hoe meer geld kan tydskrifte vir advertensieruimte vra. Tydskrifte wat lid is van ABC moet elke 6 maande hul sirkulasiesyfers aan dié buro bekendmaak. Nadat Media24 reeds hul syfers vir die periode April 2006 tot Junie 2006 ingedien het, het hulle op 6 September 2007 nuwe syfers aan die ABC gegee. Dit het gebeur nadat die ABC vasgestel het dat die syfers hoër was as wat dit veronderstel is om te wees. Media24 het gesê die nuwe syfers verskil minder as 0.6% van die aanvanklike syfers. Die ABC het egter ontdek dat daar sekere titels is wat se sirkulasiesyfers met bykans 50% opgestoot is om meer adverteerders te lok.

Dit beteken dat tydskrifte in die Media24-stal gaan sukkel om dieselfde advertensie-inkomste te genereer as wat dit gewoonlik het. Werknemers van Media24 se vrouetydskrifte is geweldig ontsteld maar tans is daar nog geen kommentaar van die uitgewer beskikbaar nie.

Lees nog hiér:
http://www.bizcommunity.com/Article/196/39/17869.html
http://www.sundaytimes.co.za/News/Article.aspx?id=563130

Hoe moet ons oor Afrika verslag doen?

2007-06-06T14:58:00.000+02:00

Redaksionele kwaliteit in die digitale era

2007-06-05T17:16:00.000+02:00

Vervaardig deur die Stellenbosse Pols*-span

Wêreld Redakteursforum: Persvryheid

2007-06-05T08:52:00.000+02:00

Video vervaardig deur die Pols*-span
in samewerking met Vizual Editors.com

Eerste World Editors Forum Video

2007-06-05T08:50:00.000+02:00

Vervaardig deur die Pols*-span

Redakteurs van regoor die wêreld sak toe op Kaapstad

2007-05-31T17:48:00.000+02:00

WAT HET GEBEUR?

Die redakteur van BBC, CNN, Eidosmedia, Google, The Guardian, NRC Handelsblad, Trouw, The Daily Voice, Reuters en Bloomberg, om maar net 'n paar te noem, het gearriveer in Kaapstad. Die 60ste jaarlikse Wêreld Redakteursforum begin vandeesweek in die KIKS. Van tradisionele onderwerpe soos persvryheid en die toekoms van koerante tot by die oorlewing van tydskrifte in Second Life en ander aanlynomgewings word bespreek.

WAT BETEKEN DIT?

Die Pols*-span gaan deelneem aan die kongres en sal video's vervaardig wat hier geplaas sal word.

WAT Sê DIE MENSE HIEROOR?

Lees prof. Anton Harber se kommentaar oor dié gebeurtenis hiér.

Aanhaling vir die dag

2007-05-11T15:00:00.001+02:00

Betowering

2007-03-21T22:18:00.000+02:00

Spesiaal vir al ons getroue Pols*-lesers: die beste en oorspronklike ident van M-Net:

2007-02-14T17:46:00.000+02:00

Pols* wil om verskoning vra aan al ons lesers:

Die nuwe Blogger Beta verhoed dat ons enige sinvolle nuusbrokkies kan deel met lesers. Ons tegniese span is besig om te werk aan dié probleem.

Pols*

Ena Murray anekdote

2007-02-09T10:21:00.000+02:00

Die Britse koerant The Guardian vra dat kontemporêre kuns in Brittanje té los geraak het en dat daar weer 'n herlewing, 'n renaissance, tot lewe geroep moet word van die tradisionele dog flambojante aanslag soos dié in boeke van Barbare Cartland (foto).

Cartland is Brittanje se Ena Murray wat honderde boeke oor die soetsappige liefde geskryf het wat altyd verbonde was aan die voorvereiste dat seks eers na die huwelik geskied. Hierdie anekdote kan, volgens dié koerant, in die Emo-beweging gevind word. Dié (hoofsaaklik) musiekbeweging herroep sensitiwiteit en emosionaliteit onder die jeug waarin daar 'n besef is dat ons transendeer deur ons emosies.

We could take the view that nature cruelly tempts us into coupling by dangling
the "happy ever after" carrot in front of us. However, the trappings of romance,
the hearts, flowers and flouncey white dresses are all our own fault and
invention. We are captivated by something that may appear fleetingly, if at all,
but doesn't last. The idea of romance draws us in and catapults us into a kind
of dreamlike state where we become a participant even if it is only in our
heads; this can be, and often is, a very pleasurable and under-rated
activity.

- Cathy Lomax

Sien Little Britain se bespotting van Cartland hieronder:

Groter koppe, groter verkope

2007-01-18T10:06:00.000+02:00

WAT HET GEBEUR?
Die Burger het hierdie week geskiedenis herskryf deur die grootste lettertipe op hulle voorblad ooit te gebruik. Woensdag 17 Januarie 2007 se voorblad het selfs die reuse "DIS OORLOG!" van 12 September 2001 oorskrei.

WAT IS DIE IMPLIKASIES?
Die Burger het 68 843 kopieë verkoop met dié koerant (intekenare uitgesluit). Dit is 1 242 meer kopieë as wat 'n week terug op dieselfde dag verkoop is. Straatverkope alleen is met 685 eenhede op.

WAT BETEKEN DIT VIR DIE RES VAN DIE MENSDOM?
'n Mens kan die afleiding maak dat groter opskrifte meer koerante verkoop. Dalk, dalk nie. Dalk is mense maar net blind en kon hulle vir die eerste keer lees wat op die voorblad staan. Die voorblad het talle motoriste by robotte se aandag getrek wat bygedra het tot die goeie verkope. Om hierdie rede het Pols* besluit om ons opskrifte van nou af 72 pt te maak.

Lees Pols*
nou groter as voorheen
(dit behoort die trick te doen)

Sally Spectra sterf

2007-01-18T09:56:00.000+02:00

Dit is 'n jammer dag in Pols*-land en die hele Pols*-span rou vandag.

Ons harte is seer, maar die herinneringe sal altyd met ons bly.

Vir die wêreld was sy "Sally Spectra", maar vir ons was sy ons hele wêreld.

Sy het vir 20 jaar die sepie The Bold and the Beautiful met grasie en sjarme opgetower.

Ons vind ons troos in die ryke nalatenskappe van eindelose VHS-video's wat met stof bedek is waarop Sally die stryd met karakters soos Stephanie Forrester aansê.

Met hartseer neem ons afskeid, maar ons is bly ons woon in Suid-Afrika waar dié sepie meer as twee jaar agter is met die wat in die VSA gewys word. Daarom sal ons ten minste nog so 4 jaar haar sien leef, al is sy dood.

Gelukkige Nuwejaar regoor die wêreld

2007-01-01T10:29:00.000+02:00

In Sjina

In New York se Times Square ...
In Tokyo se nuwe Disneyland

waar jy ookal mag wees hoop Pols* dat daar iemand naby jou is teen wie se neus jy kan skuur.

ALLE FOTO'S IS DIE EIENDOM VAN REUTERS INTERNATIONAL

Die jaar in foto's

2006-12-27T14:16:00.000+02:00

kykNET het vanjaar die eerste Afrikaanse Idol aangewys en geboorte gegee aan die mees kontroversiele aanbieder in die geskiedenis van Afrikaanse televisie in die gewaad van Deon Maas (middel). PW (Plusster Willem) Botha (regs agter) het toe nié dié kompetisie gewen nie, maar wel 'n jong seun van Bloemfontein wat baie mans kykers by die huis opgewonde gemaak het, veral die wat vanaf 1 Desember vanjaar wettiglik met mekaar mag trou. Maas het aangegaan om 'n kontroversiele rubriek in Die Burger en Beeld se naweekbylae By los te slaan wat baie lesers ontstel het. Saam met Elana Afrika het hy die eerste unedited interracial kiss op Afrikaanse televisie gegee in 'n program wat dit reggekry het om op sy eie manier talle mure van preutse Suid-Afrikaners af te breek. Mynie Grové (links) het die Akademie vir Wetenskap en Kuns se Erepenning vir Bydrae tot Afrikaanse Musiek ontvang tydens 'n spoggeleentheid op 5 Oktober in die Teologiese Semenarium op Stellenbosch waar die standbeeld van Pienk Piet du Plessis uiteindelik tot sy reg gekom het. Taliep Peterson (regs) was verantwoordelik vir 'n rekordgetal kaartjiesverkope van sy en Dawid Kramer se produksie Ghoema en is in Desember by sy huis in Kaapstad vermoor. 'n Stad het stil geword toe dié nuus bekend geraak het en 'n kultuur het armer geword.

Die krisis in die Midde-Ooste het 'n nuwe wending gekry nadat Palistyne 'n Israelse bevelvoerder vermoor het. Lebanon se ekstremistiese militêre groep Hisbolla het vanjaar vir die eerste keer in meeste mense se woordeskat sy te voorskyn gemaak en elke koerant het sy eie spelling hiervoor gehad: Hisbolla (Die Burger); Hizballah (Mail & Guardian); Hisbollah (The Guardian) e.d.m. Op hierdie foto word die Israelse president en die VSA se Condolleezza Rice as bokke uitgebeeld, twee van die sentraal figure wat druk op Lebanon en Syria uitgeoefen het om Hisbolla te weier.

Jacob Zuma het vanjaar eise van nagenoeg 7 miljoen rand teen die Suid-Afrikaanse media gemaak nadat hy by twee hofsake betrokke was wat van dié kandidaat om president Thabo Mbeki op te volg 'n bespotting gemaak het. Hiernaas het Zuma ook uitlatings oor homoseksuele mense gemaak en om die land se vermoede, dat die staat die SAUK beheer, te versterk het hy geweier om aan die SAUK 'n onderhoud toe te staan maar het eerder aan die onafhanklike e-tv 'n perskonferensie in hulle kantore in Houghton aangebied.
Media Network Limited (M-Net), die breinkind van Koos Bekker, het vanjaar twintig jaar oud geword. Vanaf volgende jaar sal hierdie kanaal nie meer die enigste betaalkanaal in Suid-Afrika wees nie. M-Net se eerste aanbieder, Doreen Morris, het weer haar verskyning gemaak en Wortel het die eerste wenner geword van M-Net se jongste televisiespeletjie Temptation.

PS: Nie alle inligting hierin vervat is nie noodwendig korrek nie.

As jy enige foto's in jou beskikking het wat jy voel die jaar 2006 in Suid-Afrika opsom plaas 'n skakel na die betrokke foto in die 'comments' area hieronder.

Damien Hirst meen kuns is dood

2006-11-28T11:40:00.000+02:00

Hierdie is Pols* se laaste posting vir 2006. Die Pols*-span het werk gekry.

Vir hierdie laaste posting kyk ons na twee Britse-uitstallings wat op die oomblik sleutel besprekingspunte in komtemporêre kuns is.

Damien Hirst, die omstrede kunstenaar wat skape, haaie en perde in formalien as kuns verkoop het, stal van vandag af sy eie kunsversameling uit. Geld wat hy uit sy eie kuns gemaak het, het hy gebruik om 'n persoonlike versameling op te bou. Die uitstalling open vandag in die Serpentine Galery en werke van Banksy, Andy Warhol en Francis Bacon is te sien. In 'n onlangse onderhoud met The Guardian voer Hirst aan "art is about dying". 'n Mens verwag so uitspraak van Hirst as 'n mens na sy kuns én sy versameling kyk van Banksy se Napalm-besmeerde Vietnamees, Bacon se figure aan die voet van 'n kruis en Warhol se skokstoele. Hirst sê verder:

"I think there's only ever been that one idea in art - that Gauguin thing,
you know: where are we going, what's it all about Alfie, where did we come from,
where are we going, is there a reason? If you're trying to make sense of life
then death looms big on the horizon."

Die ander uitstalling wat opspraak maak in Brittanje is die finaliste van The Turner Prize, die grootste prys vir kunstenaars onder die ouderdom van 50 wat sedert 1984 die beste in komtemporêre kuns bekroon. Alhoewel die waarde van hierdie prys gereeld in despuut is weens die feit dat daar so baie geld daarin gegooi word is daar ander kritici wat meen: "The Turner Prize and Becks Futures both entice thousands of young people into art galleries for the first time every year. They fulfil a valuable role."

Een van die finaliste in vanjaar se prys is Phil Collins (nié die sanger nie). Sy werk (getiteld Shady Lane Productions) bestaan uit 'n produksiehuis en -kantoor binne die Tate Britain (waar al die ander finaliste hul werk uitstal). Sy inskrywing hanteer die vrae wat ontstaan het weens realiteitstelevisie. As Shady Lane Productions kontak hy mense wat deelgeneem het aan realiteitstelevisieprogramme en vra vrae oor die vervaardigingsproses: hoe het hulle uitgevind dat hulle gaan deel wees van die program; hoe het hulle by die program gekom; wat het agter die skerm; hoe is hulle hanteer. Collins gee ook die geleentheid vir mense wat al deel was van sulke programme om self by die galery met hom te gesels, waar hy weeksdae van 10:00 tot 18:00 sit en navorsing doen oor hierdie onderwerp.

Vir meer oor die Turner Prize kliek hier.

In 2001 het Madonna dié prys oorhandig:

BBC vir almal

2006-11-27T13:16:00.000+02:00

WAT GAAN GEBEUR?
BBC is die eerste televisieprogram in Brittanje wat kykergegenereerde inhoud gaan uitsaai. Your News is 'n nuwe program wat vanaf Saterdag kykers die kans gee om self die nuus te kies.

Dit kom nadat die BBC geweldig baie verkeer op hul webblad ontvang het die afgelope ruk deurdat besoekers duisende voorstelle maak vir stories en selfs tot 10 000 foto's en video's per dag aan die BBC stuur.

WAT IS DIE IMPLIKASIES?
Dit is nou makliker om jou eie naam op BBC te sien. Alhoewel regisseurs en redakteurs steeds deur die BBC bestuur word, word die mense wie se nuusbrokkies uitgesaai word gekrediteer deur die BBC. Jy mag dalk nie op TV verskyn as 'n aanbieder of weervoorspeller nie, maar die BBC sal die mense wie se vrae, foto's en video's op Your News uitgesaai word krediet gee.

WAT BETEKEN DIT VIR DIE RES VAN DIE MENSDOM?
Die internet maak dit makliker om werk te kry. In 'n soortgelyke storie is die jongste nuwe toevoeging tot die BBC aanbieder-familie 'n jong meisie uit Asie wat op YouTube klomp video's oor haarself geplaas het. 'n BBC-regisseur het deur haar video's gekyk, haar genooi vir 'n onderhoud en nou werk sy vir die BBC.

Dit alles veroorsaak dat meer en meer mense (soos Pols*) moeite doen om nuus te genereer in die hoop dat iemand hulle sal raaksien. Alhoewel die BBC kykers aanmoedig om die jongste scoop te kry vra hulle op hul webtuiste baie mooi: "Please do not endanger yourself or others, take any unnecessary risks or infringe any laws." 'n Waarskuwing wat heel noodsaaklik is, aangesien sommige mense enigiets kan doen om nuus in die hande te kry - selfs deur hulle lewens in gevaar te stel.

Vir 'n meer humoristiese probeerslag om 'n DailyShow-korrespondent te word, word jy aangemoedig om die jongste scoop in hierdie speletjie te kry. Kyk of jy dit kan regkry.

Bronne: Comedy Central, BBC, The Guardian

Walt toe glad nie so Disney

2006-11-24T15:54:00.000+02:00

WAT HET GEBEUR?
'n Biografie oor die lewe van Walt Disney wat onlangs verskyn het getiteld Walt Disney: The Triumph of the American Imagination het skokgolwe deur die Magic Kingdom gestuur.

"He [Disney] was the dominant culture of childhood for such a long time. He was making a product on a massive industrial scale. It just happened that this product was part of the culture industry," meen professor Bob Thompson van die Syracuse Universiteit. Dit tersyde het die publieke beeld van Disney nie sy persoonlike lewe gereflekteer nie.

Die boek verklap sy onpopulere status onder werknemers wat hy verneder het deur hulle te dwing om soos kinders aan te trek. Hy het 'n geweldige humeur gehad wat vererger het toe sy vrou 7 miskrame gehad het. Kunstenaars wat vir hom gewerk het is sleg betaal en toe hulle probeer het om 'n werkersunie te stig het hy hulle summier afgedank. Op 'n keer het hy self gesê: I'm not Walt Disney any more. Walt Disney is a thing. It's grown to be a whole different meaning than just one man."

As Disney sou vies raak, sou hy alleen in sy kamer in gaan en met sy treinstel van 800m lank speel. Hy was uitgevaar teen Jode en het geweier om enige swart mense by Disneyland te laat werk.

WAT IS DIE IMPLIKASIES?
Ag wat, 'n mens kan seker maar sê Disney was 'n poephol. Hy is uiteindelik dood so die implikasies vandag is minimaal.

WAT BETEKEN DIT VIR DIE RES VAN DIE MENSDOM?
Daar is seker 'n lessie hieruit te leer, Pols* weet nie.

Kliek hieronder vir Family Guy se interpretasie hiervan:

BRONNE: Guardian News and Media Limited

Pieter Hugo vereer

2006-11-23T15:19:00.000+02:00

WAT HET GEBEUR?
Suid-Afrikaanse fotograaf Pieter Hugo is onlangs bekroon met die titel Standard Bank Young Artist 2007. Dié 30-jarige word deur die beoordelaars van dié kompetisie beskou as 'n "encouragement to many young talented photographers in contributing and taking part in a South African Photographic Renaissance".

Hugo se werk omvat die ruimte tussen gedokumenteerde foto-joernalistieke werk en meer ekspressionistiese foto-kuns.

WAT IS DIE IMPLIKASIES?
Hugo is tog te bly oor dié benoeming want meen hy: "It is refreshing that there is now the space where we can appreciate photographic images beyond the urgency of photojournalism".

Van sy bekendste werk is die Hyena People of Nigeria-reeks (sien foto) wat onder andere opgeneem is in Media24 Tydskrifte se bekroonde jaarblad Front Cover 2006. As wit fotograaf in Afrika probeer Hugo nie om 'n vlieg-op-die-muur te wees nie.

"It occured to me that I appeared to be out of place, and I often found myself critically scrutinized by the subject being photographed. I decided to switch ... that required negatiating consent and dialogue wiht the person being photographed", het hy in 'n Standard Bank-persverklaring gese.

WAT BETEKEN DIT VIR DIE RES VAN DIE MENSDOM?
Dit wil egter voorkom asof Suid-Afrikaners min gepla is oor Hugo. Dit kom na 'n veiling van honderde stukke kuns wat aan Brett Kebble behoort het. Dié mynmagnaat wat vroeer vanjaar vermoor is se kuns het hierdie maand onder die byl gekom in Kirstenbosch saam met talle luukse motors en eiendom wat aan Kebble behoort het. Alhoewel Kebble se eiendom en motors vir reuse bedrae geld geveil is, het prints van Hugo se werk vir 'n derde van die markprys gegaan. Sy 3 digitale Iris prints het is vir 'n skamele R9 000 van die hand gewys.

Bronne: South African Art Times, Micheal Stevenson Contemporary, Front Cover

Afrikane is nié Italiane

2006-11-22T14:34:00.000+02:00

WAT HET GEBEUR?
Pallo Jordan, Suid-Afrikaanse minister van kuns en kultuur, het gal gebraak na hy die Kunstekaap en die Stad Kaapstad Opera se produksie van Mozart se Cosi fan Tutté gesien het.

Ter viering van Mozart se 250ste verjaarsdag het die Universiteit van Kaapstad se Operahuis op hierdie produksie besluit waarmee jong en briljante stemme soos die van Lungelwa Mdekasi en Pretty Yenda die kans gegun is om hul staal te wys.

Jordan het egter na afloop van die vertoning (wat hierdie week tot 'n einde gekom het in die Kunstekaap Operahuis) gemeen dat die opkomende jong sterre niks anders was as "imitation whites, and poor imitations as well". Volgens hom is daar iets fout met 'n kultuur wat vir swart kinders wil leer om soos Italianers te sing.

WAT IS DIE IMPLIKASIES?
Onmiddellik word alle Italianers nou as "wit mense" geklassifiseer, volgens Jordan se uitspraak. Ten spyte van hul donker velle, donker hare en ingebore ritme beskou Jordan Italianers as die direkte teenoorgestelde ras, klas en standaard van 'n "Afrikaan". Vervolgens kan Italianers nou ook, saam met die res van wit Westerlinge, verantwoordelik gehou word vir Apartheid.

WAT BETEKEN DIT VIR DIE RES VAN DIE MENSDOM?
Hopelik steur jong opkomende swart opera sterre hulself nie te veel aan hierdie absurde uitspraak nie. As dit nie vir swart vrouens was wat die musiek van Italianers nageboots het nie, sou ons nooit die waarde van mense soos Sibongile Kumalo geken het nie. Die bydrae wat sy al gelewer het tot die Suid-Afrikaanse operaplatform is verbysterend en getuig geensins van 'n "imitation" nie, maar eerder 'n eerlike verwoording van 'n universele klank.

Dit is gevolglik nie altyd so maklik om 'n opera uit 'n ander taal en kultuur aan te pas by jou eie nie. Soos wat hierdie Italiaanse opera sukkel om aanklank te vind onder swart Afrikane soos Pallo Jordan het die twee Britte wat The Jerry Springer Opera gemaak het hel gehad in hul eie land asook in Duitsland met die aanpassing van Britse komedie in der Deutschland:

Bronne: BBC, Mail & Guardian

Studente dagvaar Borat

2006-11-21T14:01:00.000+02:00

WAT HET GEBEUR?
Twee studente aan die Universiteit van Southern Carolina is besig om regstappe te neem teen die filmhuis wat Borat: Cultural Learnings of America for Make Benefit Glorious Nation of Kazakhstan vrygestel het.

Dit kom nadat dié twee dronk in dié fliek (wat Vrydag in Suid-Afrika begin draai het) verskyn besig om rassistiese opmerking te maak. Die studente se^ hulle is opsetlik deur die vervaardigers dronk gemaak en was belowe dat die "dokumenter" waarin hulle sou verskyn, nie in die VSA vertoon sou word nie.

Daar is ook aan hulle 'n RV gegee waarmee hulle opdrag van die vervaardigers gekry het om vir Borat (gespeel deur die Britse akteur Sasha Baron Cohen) langs die pad op te laai.

WAT IS DIE IMPLIKASIES?
Die klagstaat teen 20th Century Fox voer aan dat die studente "[was made] the object of ridicule, humiliation, mental anguish and emotional and physical distress, loss of reputation, goodwill and standing in the community" as gevolg van die vrystelling van dié fliek. In antwoord daarop het die ateljee gese dat hulle geen gronde het vir hul beweringe nie.

Hierdie is nie die enigste dagvaarding wat die ateljee ontvang het nie. 'n Turkse man het Cohen gedagvaar omdat hy meen Borat is geinspireer deur hom. Die Russiese regering het ook 'n hofsaak gemaak teen die akteur en het die film uit Rusland verban.

WAT BETEKEN DIT VIR DIE RES VAN DIE MENSDOM?
As jy dom is moet jy suffer. Borat is al sedert 1998 deel van die Ali G Show. Vir die afgelope paar jaar was Ali G, Borat en Bruno (sien foto links bo) drie karakters waarmee Cohen internasionale status verkry het, eers in die Britse Channel 4 reeks getiteld Da Ali G Show en later het die Amerikaanse TV-kanaal HBO Ali G in da USA vervaardig en regoor die wereld uitgesaai. Beide reekse het sedertdien universiteite se koshuiskamers oorgeneem en 20somethings se lingo besoedel met uitdrukkings soos "Boyakasha", "Jagshemash" en "sexy time".

As twee studente in 'n ontwikkelde land met broadband, cable en 'n goeie dosis kulturele kapitaal dus in Oktober 2005 (toe die film Borat geskiet is) nie geweet het wie Borat was nie, is hulle maar lekker agter die klip.

Doen jouself 'n guns en gaan kyk Borat se fliek: nou by 'n NuMetro of SterKinekor naby jou.

Borat was onlangs 'ontgoogeld' op Nederlandse televisie:

Besoek ook Borat se MySpace: www.myspace.com/borat

Bron: CBC

Kersfees sonder koolstofdioksied

2006-11-20T13:35:00.000+02:00

WAT HET GEBEUR?
Terwyl die res van die wereld worry oor die surplus van koolstofdioksied (CO2) wat by die dag besoedeling vererger, lei Suid-Afrika aan 'n tekort daarvan.

Verskaffers van CO2, SASOL en PetroSA, het vroeer vanjaar hul produksie gestop vir 'n noodgedwonge nagaan van hul produksieproses. Gevolglik kon hulle nie vinnig genoeg weer met produksie begin nie en kon slegs 60% van die gewone aanvraag na CO2 deur Coca-Cola verskaf.

WAT IS DIE IMPLIKASIES?
In November en Desember is die vraag na CO2 150% meer as gewoonlik. Weens hierdie tekort gaan Coca-Cola afskaal in die verskeidenheid van produkte wat hulle normaalweg verskaf. Produkte soos BONAQUA, Tab en Sprite Zero is gevolglik al reeds nie meer beskikbaar op winkelrakke nie. Verbruikers word ontmoet deur 'n rooi teken waarop Coca-Cola aan die verbruiker om verskoning vra vir dié ongerief.

Coca-Cola fokus nou hoofsaaklik op die produksie van Coke, Sprite en Fanta wat ongeveer 80% van hul markaandeel bevat. Dié blikkies word in hul miljoene (20 miljoen om meer spesifiek te wees) vanuit die Verenigde Koningkryk en Singapoer ingevoer.

WAT BETEKEN DIT VIR DIE RES VAN DIE MENSDOM?
Kersfees in Suid-Afrika gaan warm wees sonder jou gunsteling gegeurde BONAQUA-drankie, of verhitte (en heelwaarskynlik sonder-gas) blikkies Coke uit Brittanje. Om nie eers te praat van die totale verskil wat dié lande se blikkies se voorkoms het met dit waaraan Suid-Afrikaners gewoond is nie. Alhoewel groot supermarkte van mening is dat hulle nie so erg beinvloed word hierdeur nie, is dit die klein handelaars in die informele besigheidsektor wat die meeste gaan swaarkry uit hierdie onverwagte tekort aan CO2.

Die goeie nuus is dat daar oorgenoeg bier beskikbaar sal wees. SABMiller (wat verantwoordelik is vir meeste van jou gunsteling bier-tipes) verskaf (gelukkig) hul eie CO2.

Vanjaar sal almal gevolglik ander drankies vir die Kerstafel (of Kersbed) moet verbruik, soos dié:

Bron: Mail & Guardian

Grey's Anatomy klop Prison Break by SA universiteite

2006-11-17T09:57:00.000+02:00

Pols* het onlangs 'n diens ontdek met dieselfde naam in 'n ander taal.

Pulse is 'n diens op die sosiale netwerkwebblad Facebook wat trends van dié wat 'n Facebook Account het uitwys.

Pulse wys byvoorbeeld watter universiteit (universiteite word in netwerke verdeel) 'n sekere musiekgroep of TV-reeks die meeste geniet en hoe dit opmeet teen ander.

Byvoorbeeld: meeste studente aan Oxford (dié wat op Facebook is) beskou die Australiese Neighbours as hul gunsteling TV-reeks. Some useless trivia, maar nogsteeds.

In Suid-Afrikaanse netwerke is daar nog nie genoeg intekenare aan universiteite om voldoende statistiek weer te gee nie. Die enigste faktor wat egter deur Pulse bepaal kon word is dat Grey's Anatomy deur 17% meer Stellenbosse studente as hul gunsteling TV-reeks beskou word as dié wat Prison Break hul gunsteling noem. Interessant genoeg is studente aan Rhodes Universiteite se voorkeur presies dieselfde, met Desperate Housewives wat in 'n sterk derde plek kom.

Meer nuttelose inligting sal van Maandag af hier beskikbaar wees. Teken nou in op Facebook, laat weet wat jou gunsteling TV-reeks is, en kyk dan daagliks die jongste statistiek op Pulse by www.facebook.com

En vir ingeval jy wou weet, hiér is Pols* se gunsteling TV-reekse:

"Onheiliges" paradeer in Heilige Stad

2006-11-16T15:52:00.000+02:00

WAT HET GEBEUR?
"On-Christelike" graffiti is sedert Maandag met moeite van mure in Jerusalem afgekrap. Dit nadat die eerste Israeliese gay parade in Jerusalem plaasgevind het dié week.

Ultra-ortodokse Jode het teen-optogte gehou in Jerusalem én New York om protes aan te teken teen die Israelse regering wat die gay parade toegelaat het. Dié Jode het dit 'n "parade of debauchery" genoem.

WAT IS DIE IMPLIKASIES?
Daar is nou 'n Israelse komedieprogram wat meen dat Israel eintlik al vir jare homoseksueel was. Om dit te staaf wys die program gereelde videomateriaal waarin Jassir Arrafat vurige omhelsings uitdeel. Jode het geweldig aanstoot geneem en het in protes daarteen sommer karre aan die brand gesteek.

WAT BETEKEN DIT VIR DIE RES VAN DIE MENSDOM?
Dit wil blyk asof daar wêreldwyd meer verdraagsaamheid is met homoseksuele mense. Alhoewel die onlangse optog in Jerusalem baie mense ontstel het, is dit steeds 'n geweldige tree vorentoe vir die gemeenskap van Jerusalem. As hulle hul eerste gay optog in 2006 hou, mag hulle konstitusie moontlik in 2050 ook huwelike tussen mense van dieselfde geslag toelaat.

Die laaste stappe in die goedkeuring van selfde-self huwelike word in die volgende week in Suid-Afrika gemaak. Dit kan beteken dat mense van dieselfde geslag teen 1 Desember wettiglik in Suid-Afrika mag trou, nadat die Parlement dié wysiging tot die konstitusie goedgekeur het. Alhoewel niemand presies weet wanneer die eerste gay optog in Suid-Afrika gehou is nie, maar daar word vermoed dat dit alreeds in 1652 kon gebeur het met die koms van Jan van Riebeeck en al sy fraai vriende aan die Kaap. Zim Dollar, die "enigste goeie internasionale Afrikaanse koerant", berig hier dat die onlangse uitslae van kykNET se Idols-kompetisie wys dat Suid-Afrika nie net homoseksuele mense aanvaar nie, maar ook meegevoel vir hulle het en om dié rede Dewald aangewys het as die eerste kykNET Idol.

In die res van die wereld mag daar dalk langer gewag moet word voordat sulke liberale besluite rondom huweliksverbintenisse aanvaar sal word. In die Vatikaanstad word daar byvoorbeeld vandag vir die eerste keer besluit watter vorm van ondersteuning die Rooms Katolieke Kerk gaan gee vir priesters wat wil trou, berig die BBC hier.

Die proses (om te kan trou, wat jou lewensstyl ookal mag wees) mag dalk lank en moeilik wees, maar solank iemand daaroor kan lag is dit alles die moeite werd, dink Pols*:

Microsoft tune Apple met Zune

2006-11-15T22:03:00.000+02:00

WAT HET GEBEUR?
Bill Gates het gister Microsoft se Kersfeesteiken bekend gestel in Seattle. Die Zune-mediaspeler is Microsoft se weergawe van 'n iPod, net 'n bietjie dikker en 'n bietjie langer. Dit het ook 30-gigagrepe en kos presies soveel soos 'n iPod. Wat dit egter anders maak aan die iPod is dat dit nie die lekker draaiwiel het wat van iPod 'n gunsteling onder talle vingers maak nie. Buiten dit kan 2 mense met 'n Zune-speler elkeen liedjies met mekaar deel deur koordlose-tegnologie. So probeer Microsoft 'n einde maak aan mense wat oor die Rooiplein loop besig om by hulself na musiek te luister en dit weg te bere van almal anders af. Want, so meen Microsoft, musiek is gemaak om gedeel te word. Die Zune-speler het ook 'n ingeboude FM-radio en 'n skerm van 7,5 cm (klein bietjie groter as 'n iPod) wat nie net foto's vertoon nie maar ook hoe resolusie video's kan speel. Hierdie video's kan ook met ander mede-Zuners gedeel word.

WAT IS DIE IMPLIKASIE HIERVAN?
Die klassieke Mac vs PC debat gaan voortgesit word, en het reeds sy eie webtuiste. Microsoft het 'n website begin waarop hulle al die verskille en ooreenkomste tussen die Zune en die iPod uitwys. Dan is daar 'n studie wat uitwys dat 54% van mense wat 'n iPod besit vir hulle 'n Zune sal koop. Hierdie statistiek is gebasseer op dieselfde tegnologie wat ZOO Weekliks gebruik het om in hierdie week se uitgawe die gevolgtrekking kon maak dat slegs 22% van alle mans in Suid-Afrika 'n ander man 'n fellacio sal gee as hy R1 miljoen betaal word en dat 94% van alle mans nie ander afloer terwyl hulle urineer nie. Natuurlik kan 'n mens mos nie sulke statistiek glo nie. (Kliek hier vir nog uitslae van ZOO Weekliks se meningsopname).

WAT BETEKEN DIT VIR DIE RES VAN DIE WERELD?
Soos alle ander dinge wat in Seattle bekendgestel word (dink maar aan die Seattle Coffee Company) gaan dit weereens jare vat voordat Zune in Suid-Afrika beskikbaar gaan wees. Al wat Microsoft tot dusver kan se is dat dit eers in 2007 in Europa bekendgestel sal word en, afhangend van sy sukses oor die opkomende Kersseisoen in die VSA, mag hulle dit oorweeg om dit selfs in Suid-Amerika teen 2010 bekend te stel. Suid-Afrika sal hopelik voor ons sokkerbeker dit kan kry, heelwaarskynlik met 'n ingeboude TV in.

Hier is 'n onsuksesvolle advertensieveldtog vir Zune wat tans in Amerika te sien is:

Quest té 'queer' vir Al-Jazeera

2006-11-14T07:58:00.000+02:00

WAT HET GEBEUR?
Richard Quest (foto), Britse CNN-aanbieder van onder meer die program Quest, is te "queer" vir Al-Jazeera.

Dit kom nadat die Arabiese nuuskanaal Al-Jazeera hierdie week hul eerste Engelse nuuskanaal gaan bekendstel. Al-Jazeera werk al die afgelope 2 jaar aan die oprigting van hul Londen-nuuskantoor. Wereldnuus met 'n Arabiese-inslag en 'n fokus op die derde wereld gaan hiervanaf vir die eerste keer in Engels aan Europa, Amerika en Noord-Afrika uitsaai.

Al-Jazeera het reuse salarisse vir internasionaal bekende nuuslesers aangebied sodat hulle meer Westers voorkom. Een van hierdie nuuslesers was Quest. Hy het egter die aanbod van die hand gewys omdat nie net sy seksuele orientasie sou bots met Al-Jazeera se redaksionele beleid nie, maar ook sy geloof. Sy Joodse geloof sou verder onder vuur kom onder dié Moslem-gegrewe nuuskanaal. Al-Jazeera voer egter steeds aan dat hulle die nuus op 'n "unbiased" manier sal weergee.

WAT IS DIE IMPLIKASIES?
Al-Jazeera het internasionale bekendheid verwerf as die televisiekanaal wat terroriste se video's uitgesaai het. Pas na 9/11 het Al-Jazeera 'n video van Osama Bin Laden uitgesaai wat onmiddellik deur alle ander nuuskanale regoor die wereld uitgesaai het. Onmiddellike faam het gevolg en Al-Jazeera het bekend geraak as die nuuskanaal wat 'n mondstuk vir terroriste is en sonder enige huiwering die onthowing van Afghane uitsaai. Die vraag bly dus op watter manier sal hierdie kanaal met 'n Arabiese-inslag internasionale nuusgebeure weergee? Sue Phillips, die Londen bureauhoof, meen: "we want to bring the south to the north, rather than the other way around".

WAT BETEKEN DIT VIR DIE RES VAN DIE MENSDOM?
Phillips meen daar gaan meer geleentheid gebied word vir dokumentere materiaal vanuit ontwikkelende lande. Verder wil hulle he dat Afrikane nuus uit Afrika moet vertel. Alhoewel daar sprake wat dat Al-Jazeera 'n kantoor in Suid-Afrika in September vanjaar sou oprig, het daar nog niks hiervan gekom nie. Hulle beoog om Al-Jazeera as 'n gratis nuuskanaal aan die hele Afrika bekend te stel.

"We adhere to western broadcasting standards. There will be differences because they're different cultures," meen Phillips laat 'n mens steeds wonder oor hoe "different" hulle werklik sal wees. As 'n gay-nuusleser weggewys word wonder Pols* watter uitsaaimateriaal van die hand gewys sal word.

Hierdie MAD-TV parodie wys hoe hierdie Engels-sprekende Al-Jazeera kanaal moontlik kan wees. Die enigste Amerikaner wat gespaar word is Matt LeBlanc:

Lees MediaGuardian se artikel hieroor hier.

Sien ook BBC-werknemers wat gefire is omdat hulle hierdie video gemaak het oor Al-Jazeera.

Eerste podcast van SA publikasie

2006-11-13T09:16:00.000+02:00

WAT HET GEBEUR?
Vandag maak die Mail & Guardian weer geskiedenis. Hulle is die eerste koerant in Suid-Afrika om 'n weeklikse podcast op hulle webtuiste beskikbaar te stel. Weekliks kan lesers inteken op Tony Lankester wat met die redakteur en joernaliste gesels oor die stories wat in daardie week se uitgawe verskyn het.

WAT IS DIE IMPLIKASIES?
Hoe is dit dat 'n koerant besig is om podcasts beskikbaar te stel en, word daar aan die redakteur, Ferial Haffajee, in die eerste podcast gevra, hoekom doen die Mail & Guardian dit: "Increasingly we are not going to be a newspaper. We are going to be good quality content … over a number of platforms," het Haffajee aan Lankester gese.

WAT BETEKEN DIT VIR DIE RES VAN DIE MENSDOM?
Meer en spesifiek jonger mense (op wie hierdie diens gemik is) kan nou na die koerant luister want, se Haffajee, sommige mense het nie genoeg tyd om die hele koerant in 'n week klaar te lees nie. Ongelukkig is die musiek wat in die podcast gebruik word iets wat heel eerder in 'n 1980's oefeningvideo gebruik moet word. Dit tersyde is dit 'n fantastiese idee wat ook met 'n Blogger-blog gepaard gaan waarin hulle al die 'agter die skerms' stories rondom die podcast self vertel. Gaan besoek dit hier.

Besoek die amptelike webtuiste wat meer inligting gee rondom wat presies 'n podcast is en someer. Jy kan ook inteken op die weeklikse podcast of dit net eenvoudig as 'n MP3 aflaai by http://www.mg.co.za/podcast

Net nog 'n manier hoe Web 2.0 ons lewens oorneem:

MNP niks met NNP te doen

2006-11-10T17:48:00.000+02:00

WAT HET GEBEUR?
MNP word vandag in Suid-Afrika toegelaat. Alhoewel dit klink na 'n nuwe benoeming van die reeds gestorwe NP of NNP (Nuwe Nasionale Party) kan linkses gerus wees. MNP staan vir Mobile Number Portability, 'n diens wat selfoongebruikers toelaat om van netwerk te verander sonder om hul nommer te verander.

WAT IS DIE IMPLIKASIES?
Jonger selfoonnetwerke soos Virgin Mobile en CellC doen alles in hul mag om nou nuwe verbruikers te lok. CellC het geweldig baie moeite in hul jongste veldtog geplaas wat verbruikers aanmoedig om oor te gaan na dié "rooi" netwerk. Lanseria Lughawe buite Randburg is gebruik om hierdie advertensie te skiet en al die items in die lughawe (van trollies tot blompotte) is spesiaal vergroot. 'n Baie lang model is uit Engeland gevlieg en 11 klein kinders is gebruik om abnormaal klein te lyk teenoor hulle "pa", of dan verbruiker (sien foto hierbo). Dié Lord of the Rings-geinspireerde advertensie wys hoe 'n pa sy 11 syfers agterlaat terwyl hy deur 'n metaalverklikker loop op pad na sy vliegtuig (of dan nuwe netwerk) toe. Sodra hy deur is kom die CellC-stem in en verkondig dat alle nommers nou saam met hul verbruikers welkom is. En voila. Soos wat elke nommer deur die metaalverklikker hardloop, verander hul hempies van geel (MTN natuurlik) na rooi.

WAT BETEKEN DIT VIR DIE RES VAN DIE MENSDOM?
Alhoewel MTN en Vodacom nog weinig min moeite gedoen het om mense te oortuig om na hul netwerk oor te gaan, is hierdie die een geleentheid vir Vodacom-intekenare om hulself nie meer met 'n rot wat in Mouille Punt saam met Schalk Britz dans te vereenselwig nie. Dit gee ook rede vir Richard Branson-fans om meer gereeld opgewonde te raak wanneer hy op radio en TV probeer om jou te oortuig om na sy netwerk oor te skakel. Almal is mos so mal oor dié man se stem.

Verbruikers is gewaarborg om nou meer pret met hul self one te he:

Porno- en kitskoskanale in 11 tale op pad

2006-11-09T19:51:00.000+02:00

WAT HET GEBEUR?
Op 31 Januarie 2006 het ICASA (die onafhanklike uitsaai-outoriteit in Suid-Afrika) aangekondig dat enigiemand nou kan aansoek doen om lisensies te bekom om betaaltelevisiekanale in Suid-Afrika op te rig. Tot op hede het Multichoice 'n monopolie op dié mark gehad.

ICASA het sedert Januarie 18 aansoeke ontvang. Die prentjie van Suid-Afrikaanse TV kan gevolglik drasties verander in 2007: in 1975 was daar geen TV-kanale nie; 7 in 1991, 37 in 1998, 74 in Maart vanjaar en nou bestaan die moontlikheid dat hierdie syfer die hemele kan inskiet.

WAT IS DIE IMPLIKASIES?
Omdat ICASA gesonde kompetisie in dié mark wil kweek, het hulle aan M-Net opdrag gegee om Oopkyktyd vanaf April 2007 te sluit. Totsiens Louwna. Totsiens Bertie.

Om intekenare dus te oortuig om lojaal te bly, het M-Net 'n reeks nuwe programme (wat oor die volgende 6 maande eksklusief op dié kanaal uitgesaai sal word) aangekoop.

M-Net gaan hulle reeds gevestigde realiteitstelevisiekomponent nog verder uitbrei. Buiten die reeks suksesvolle Survivor: SA word daar nou aansoeke ingewag vir Culture Shock. Dié program gaan 2 families die kans gee om mekaar se lewensomstandighede vir 2 weke te ontdek. In 'n land met ekonomiese uiterstes behoort dit interessante kykstof te wees.

Game shows gaan ook meer en meer aandag geniet. Met die eerste reeks van Temptation wat sopas verby is, beplan M-Net ook 'n nuwe reeks getiteld Deal or No Deal Africa. Dis 'n internasionale konsep met mooi dames en word geborg deur Virgin Money.

Internasionale reekse soos The Office (US), Crumbs, Come Back, Big Love en nuwe reekse van Parkinson, Weeds en Nip/Tuck word ook verwag.

WAT BETEKEN DIT VIR DIE RES VAN DIE MENSDOM?
Vanaf April sal daar meer betaalkanale beskikbaar wees teen laer pryse wat 'n verskeidenheid van nismarkte in dié medium kan uitbrei. Media-mugu's soos Anton Harber is bevrees dat dit aanleiding kan gee tot nog meer smet op ons TV's:

"To sum it up, our lives will probably be enriched and enlivened by pornography and food channels (severally or even jointly) in all our official languages." (Lees die volle artikel hier).

Die beste nuus is dat daar gevolglik ook meer werk sal wees en meer geleenthede vir lelike mense om op TV te kom.

(Bronne: BizCommunity, M-Net, ICASA)

"God het vandag Suid-Afrika besoek"

2006-11-08T16:38:00.000+02:00

So meen die dominee van George se NG Moedergemeente na aanleiding van PW Botha se begrafnis vandag.

WAT HET GEBEUR?
Gister 'n week terug het dié voormalige staatspresident, beter bekend as die "Groot Krokodil" ('n naam aan hom toegeken deur Hermann Giliomee), inmekaar gestort terwyl hy saam met sy vrou Barbara in die slaapkamer was. Alhoewel die huidige presidensie 'n staatsbegrafnis aangebied het, het die Botha-familie dié aanbod van die hand gewys. As president wat verantwoordelik was vir ekonomiese sanksies teen Suid-Afrika weens apartheid, sou dit die grootste ironie denkbaar gewees het as juis 'n demokratiese regering waarteen Botha geveg het hom vereer met 'n staatsbegrafnis.

WAT IS DIE IMPLIKASIES?
Die Botha-familie het daarom vandag self reelings getref vir PW se begrafnis wat op George plaasgevind het. Die president, Thabo Mbeki, het daarheen gehaas vanuit Sjina waar hy op besoek was. PW se seun het tydens die diens (wat regstreeks uitgesaai is op TV en radio) aan die president gevra: "U verstaan Afrikaans?" waarop Mbeki geglimlag en geknik het. Mbeki het ook saam met die hoofsaaklik wit gemeente (waaronder die registrateur van die Universiteit van Stellenbosch, Johann Aspeling) "Juig, o Heer" gesing het.

Dr Bahjat Batarseh, 'n dominee uit Jordanie "met 'n passie vir die siele van hooggeplaastes", het 'n geleentheid gekry om die gemeente toe te spreek en het gese: "You scare me. You are a very somber crowd." Hy het homself in sy preek teen kreationisme en Darwinisme uitgespreek en gese: "I advise them to go visit their family in the zoo ... I am right, you wrong, 'cause I have a platform". Dr Batarseh het na afloop van die diens sy besigheidskaartjie vir president Mbeki gegee.

PW Botha se seun het aan die einde van die diens aan sy skoonma gese: "Barbara ... only God knows."

WAT BETEKEN DIT VIR DIE RES VAN DIE MENSDOM?
Bykans 'n miljoen skoolgaande kinders (en ouer) was vir meer as 'n uur ontsteld en huilerig toe die uitsending van die begrafnisdiens langer as beplan aangehou het. Altesaam 5 programme wat op 'n Woensdagmiddag op SABC 2 se Tube uitgesaai word, kon nie uitgesaai word weens die begrafnis nie. In 2 van die 5 programme was dit weeklikse vervolgprogramme wat kleuters en peuters nou nog 'n ekstra week moet wag voordat hulle kan uitvind wat volgende in hul gunsteling kinderprogram gebeur.

Vir die res van die wereld was dit 'n blymoedige dag, 'n dag waarop die verlede begrawe is.

Die dood van PW Botha het gemengde reaksies tot gevolg gehad. Alhoewel koerante soos The Mail & Guardian die absolute waansin van Botha se presidensie uitgelig het, was Afrikaanse koerante soos Die Burger meer gematig op hul kritiek teen Botha.

Video's oor Botha se dood het die sosiale netwerkwebblad YouTube sedert laasweek oorstroom, 'n eerste vir 'n prominente Afrikaanse figuur op dié webblad. Een van die video's kom uit die 1980's. 'n Britse komediereeks in dié tyd getiteld Spitting Image, het die spot gedryf met PW Botha en Margaret Thatcher:

Vir meer video's oor PW Botha kliek hier.

Krew verloor teen Zoo

2006-11-07T21:44:00.000+02:00

WAT HET GEBEUR?
In Oktober vanjaar is die eerste weeklikse tydskrif vir ouens op Suid-Afrikaanse rakke verskyn. Dit kom nadat 'n klein groepie jong ouens in Seepunt sonder werk die Britse titel Krew oortuig het om ook dié tydskrif in Suid-Afrika te vestig. Krew is 'n gevestigde tydskrif nie net in Brittanje nie, maar ook in Mauritius. Krew behoort aan 'n Hollander wat heel opgewonde was om dié titel ook in Suid-Afrika te vestig, aangesien daar geen weeklikse tydskrifte in dié nismark beskikbaar was nie.

Toe kom die mediareus van Afrika, Media24, en gee Upper Case Media (die mense verantwoordelik vir heat en FHM) opdrag om 'n soortgelyke tydskrif uit te gee. Teen die helfde van die prys van Krew het ZOO Weekly (ook oorspronklik 'n Britse titel) bitter vinnig die leier in dié nismark geword, al het hulle 'n paar weke later as Krew op die rakke verskyn. Media24 het reeds 'n gevestigde verspreidingsisteem, kon dit bekostig om die tydskrif teen R6,95 uit te gee (vir die eerste 2 uitgawes) en het bo en behalwe dit ook 'n Afrikaanse weergawe vrygestel naamlik ZOO Weekliks.

WAT IS DIE IMPLIKASIES?
Alhoewel Krew se eerste 2 uitgawes uitverkoop het, was hulle dié week besig met hul 5de uitgawe toe die redaksie van 22 ouens gehoor het die Hollander wil nie die tydskrif verder befonds nie. Nou sonder werk moet dié ouens in Seepunt nou moontlik oorweeg om in gay masseur parlors te gaan werk net sodat hul woonstelhuur vir die res van die maand betaal kan word. Een van die redaksielede is selfs besig om hul kantoorstoele te verkoop.

Krew se probeerslag om hul titel aan Caxton te verkoop (Media24 se opposisie wat titels soos Rooi Rose en DeKat uitgee) het ook misluk. Enigiemand wat nou vir dié 22 jong manne kan werk aanbied word gevra om die uitgewer te e-pos by timcurrey@telkomsa.net - CV's en getuigskrifte is beskikbaar op navraag.

WAT BETEKEN DIT VIR DIE RES VAN DIE MENSDOM?
Hierdie storie is net nog 'n bewys van Media24 se verbysterende mag. Ander voer aan dat dit bewys dra van Afrikaans se verbysterende mag, aangesien ZOO Weekliks beter as ZOO Weekly verkoop. Dit was een van die strategiee wat Caxton probeer het toe hul titel People Magazine besig was om lesers te verloor met die totstandkoming van Media24 se heat. Deur People te vertaal in die vorm van Mense doen dié uitgewer nou weer beter. Daar word gevolglik gespekuleer of Media24 'n Afrikaanse weergawe van heat sal uitbring as gevolg hiervan. Ons sal maar moet sien wat gebeur.

Een ding is egter verseker en dit is dat ZOO Weekliks hier is om te bly. Daar is reeds 'n paar gevestigde joernaliste wat stil-stil by Die Burger uitgekoop is om vir ZOO in Johannesburg te gaan werk.

Verdere goeie nuus is dat daar eksklusiewe kiekies van die Leeuloop-ladies in vandag se uitgawe van ZOO Weekliks verskyn. Die poppies wat in die video hieronder saam met Robbie Wessels tennisballe tussen hulle bene vasknyp, kan nou van nader bekyk word:

Geen Mango vir Madonna se Malawi-kindjie

2006-11-06T20:22:00.000+02:00

WAT HET GEBEUR?
Oktober is gekenmerk deur internasionale betrekkinge, die derde wereld, miljoene Oprah-kykers regoor die wereld en Johannesburg Internasionaal wat geruk is deur Madonna se optrede. Minder as 'n week voordat die Johannesburg Internasionale Lughawe vernoem is na die OR Tambo Lughawe, is 'n vrou op dié lughawe gejaag deur Reuters-kamera's. Dit het gevolg nadat Madonna 'n kind in Malawi aangeneem het en die arme kind via Joburg na Londen moes vlieg om sy nuwe ma daar te ontmoet. Madonna wou egter nie saam met die kind gesien word voordat hy in Londen aangeland het nie, en daarom moes 'n nanny met die arme kind hardloop deur die terminaal.

In minder as 'n maand se tyd het dié 13-maande oue Malawiese seuntjie 16,000 lugmyle ingeklok. Glad nie sleg vir 'n seuntjie wat sedert geboorte nog glad nie eers buite sy eie weeshuis was nie. Nadat hy Londen toe gevlieg het, het hy verlede week saam met Madonna New York toe gevlieg en is sedert gister weer terug in Londen.

WAT IS DIE IMPLIKASIES?
1) 16,000 lugmyle kan veroorsaak dat dié seuntjie vir die res van sy lewe jet lag het, alhoewel sekere kommentators meen dis veel beter as om VIGS te he.
2) 16,000 lugmyle is nie te versmaai nie. Ongelukkig het Madonna nie met SAL gevlieg nie, en is ook nie 'n lid van hul Voyager Frequent Flyer Club nie. As 'n Voyager-lid sou hierdie 16,000 lugmyle agter sy naam die klein seuntjie 'n gratis vlug van Kaapstad tot Port Elizabeth verseker het.

Die blou stippellyn hieronder dui die roete aan wat die seuntjie meegemaak het die afgelope maand. Die groen stippellyn dui die gratis myle wat hy as Voyager-lid sou ontvang het.

WAT BETEKEN DIT VIR DIE RES VAN DIE MENSDOM?
Hierdie dien as net nog 'n bewys dat lojaliteitklubs soos Voyager nie enige gebalanseerde voordele inhou nie. Dit is ook een van die redes hoekom SAL besluit het om in middel-November belastingbetalers se geld te gebruik om die nuwe lugredery Mango op die been te bring. Vir minder as R200 kan Suid-Afrikaners nou van Kaapstad tot in Johannesburg vlieg, 'n vlug wat Voyager-lede eers kan eis nadat hulle vyf keer om die wereld gevlieg het.

Wat Madonna en haar nuwe seuntjie betref wil dit voorkom asof die hele kababel rondom haar aanneming vir eens 'n stille dood gesterf het. Alhoewel die seun se pa aan Reuters gese het dat hy nie mooi geweet het wat gebeur het nie, het Madonna vir Oprah 'n ander storie vertel. Omdat The Oprah Winfrey Show in Suid-Afrika deur The Tyra Banks Show vervang is, gee Pols* 'n eksklusiewe uittreksel uit dié veelbesproke onderhoud:

Vir 'n in-diepte verslag oor Mango lees Carte Blanche se insetsel daaroor hier.

Arme Arno

2006-11-06T11:37:00.000+02:00

Jy kan verskoon word as jy 'n uitnodiging na 'n konsert ontvang van "Arno" en verwag om die Springbok Nude Girls se frontman se sien. "Arno" se regte van in nie Carstens nie, maar wel Jordaan. Hierdie voormalige hoofseun van Oos-Londen het onlangs 'n kontrak met EMI losgeslaan en is van plan om hierdie Desember-vakansie die land warm te sing. Soos enige ander popster in die lemmetjielig kan "Arno" egter nie van sy verlede ontsnap nie.

Tydens sy matriekeksamen het 'n fotograaf van Die Burger 'n foto (met rooi omkring hierbo) van hom geneem, nadenkend in die middel van 'n vraestel. Vier jaar later word dieselfde foto jaar na jaar gebruik wanneer Die Burger 'n artikel op hulle webtuiste plaas wat verband hou met die matriekeksamen. Daar gaan nou moontlike regstappe geneem word teen dié koerant omdat daar nie tantieme aan Arno betaal word hiervoor nie.

Besoek "Arno" se webtuiste by www.arno.co.za .

So lyk 'n tipiese "Arno"-konsert: (beeldmateriaal verskaf deur Kaapse Son)

Saddam gaan swing vat

2006-11-06T10:05:00.000+02:00

WAT HET GEBEUR?
Saddam Hoesein, diktator van Irak voordat Amerika hulle ingeval het, is gister veroordeel tot doodstraf. Dit was die uitspraak van die hoe sekuriteitshof in Irak wat Hoesein verhoor het vir 300,000 onskuldige mense en duisende ander wat tydens Hoesein se bewind vermoor is.

Hoesein is in Desember 2003 deur die VSA gevang en het in Julie die volgende jaar vir die eerste keer in die hof verskyn. Tydens sy verhoor het hy 'n ongesonde obsessie met Dorito's gehad, later 'n "hunger strike" gehou en by tye sy eie gedigte geresseteer terwyl getuienis gelewer is. Een van die gedigte het die frase "Iraq's mountains, wildernesses and plains will be our witness" bevat. Heel digterlik vir 'n diktator.

WAT IS DIE IMPLIKASIES?
Hoesein kan nou appelleer maar selfs al besluit hy om dit te doen kan "the well hung Hussein" (soos die Britse poniepers hom nou noem) saam met Kersversierings hang nog voor ouKersaand. Die rede hiervoor is dat Irak se regsisteem vereis dat uitsprake binne 30 dae uitgevoer moet word. Net nog 'n bewys dat Suid-Afrika se regsisteem sukkel.

WAT BETEKEN DIT VIR DIE RES VAN DIE WERELD?
1) Politieke analiste meen dat Irak nou net nog meer onrustig sal word. Die verhoor was juis ten doel om die teenoorgestelde te veroorsaak.
2) Met die midtermynverkiesing wat more in die VSA begin is daar spekulasie dat hierdie uitspraak in George W. Bush se guns sal tel. Ook op die vooraand van die presidensiele verkiesing in 2004 het 'n soortgelyke verrassing in die vorm van 'n video in Bush se guns getel. Osama Bin Laden het iewers opgepop waarin hy sy haat teen Bush herbevestig het. Lees meer hieroor hier.

Al die Dorito's wat Hoessein geeet het, het veroorsaak dat daar talle parodiee hieroor in Amerika ontstaan het, onder andere die volgende fake advertensie:

MEER INFO: Kliek hier vir 'n in-diepte analise oor die hele verhoor deur die BBC.

LAG DAAROOR: Kliek op die link hieronder om na The Daily Show se parodie oor die verhoor te kyk.

'n Vinger op die pols

2006-11-04T10:58:00.000+02:00

Hou jouself ingelig oor alles wat nodig is om te weet, nie net in Suid-Afrika en in Afrikaans nie, maar ook internasionaal.

Hou hierdie blog dop vir gereelde besprekings oor pop kultuur. Ons lees koerante en tydskrifte vir jou, ons deurkruis die internet namens jou, om 'n breedvoerige perspektief te gee op dit wat elke dag in jou wereld gebeur.